ஒம்புட்சுமானின் பங்கு

அரசாங்க நிறுவனங்கள் அல்லது அரசாங்க கூட்டுத்தாபனங்கள், உள்ளூராட்சி மன்றங்கள் அல்லது அதே போன்ற ஏனைய நிறுவனங்களில் உள்ள அரசாங்க அலுவலர்களினால் எடுக்கப்பட்ட நிர்வாக தீர்மானங்களினால் இழைக்கப்பட்ட அடிப்படை உரிமை மீறல்கள் அல்லது ஏனைய அநீதிகளுக்கு எதிராக எந்தவொரு நபரும் குறைதீர்வை பெற்றுக்கொள்ளும் பிரதான நிறுவனமொன்றாக நிர்வாகத்திற்கான பாராளுமன்ற ஆணையாளர் அலுவலகம் கருதப்படுகிறது.

நிர்வாகத்திற்கான பாராளுமன்ற ஆணையாளரின் (ஒம்புட்சுனானின்) நியமனம்

இலங்கை சனநாயக சோசலிச குடியரசின் அரசியலமைப்பின் 156 ஆவது உறுப்புரையினை வாசித்து அரசியலமைப்பின் 19 ஆவது திருத்தத்தின் உறுப்புரை 45 இன் கீழ் தாபிக்கப்பட்ட ஓர் அரசியலமைப்பின் 19 ஆவது திருத்தத்தின் உறுப்புரை 41 (இ) இற்கு அமைய, அதிமேன்மைதகு சனாதிபதியினால் அரசியலமைப்பின் மூலம் அங்கீகாரம் வழங்கப்பட்டு இப்பதவிக்கு பொருத்தமான நபர் நியமிக்கப்படுவார். பாராளுமன்ற தீர்மானமொன்றினை ஏற்றுக்கொணட பின்னர் மட்டுமே ஒம்புட்சுமானை பதவியிலிருந்து நீக்கலாம்.

ஒம்புட்சுமானின் தத்துவங்களும் பணிகளும்

1994 ஆம் ஆண்டின் 26 ஆம் இலக்க சட்டத்தின் மூலம் திருத்தப்பட்டவாறான 1981 ஆம் ஆண்டின் 17 ஆம் இலக்க நிர்வாகத்திற்கான பாராளுமன்ற ஆணையாளர் (ஒம்புட்சுமான்) சட்டத்தினால் வழங்கப்பட்ட தத்துவங்களின் மூலம் அரசாங்க அலுவலரொருவரால் அல்லது மாகாணசபையொன்றின் அலுவலரொருவரால் அல்லது அரசாங்க கூட்டுத்தாபனம் அல்லது அதனையொத்த  ஏனைய நிறுவனமொன்றின் அலுவலரொருவரால் இழைக்கப்பட்ட அல்லது இழைக்கப்படும் அடிப்படை உரிமை மீறல்கள் அல்லது ஏனைய அநீதிகள் என்பவற்றின் கீழ் விசாரணை மேற்கொண்டு நியாயமான பரிந்துரைகளை வழங்குவதே ஒம்புட்சுமானின் பிரதான பணியாகும்.

மேலே குறிப்பிடப்பட்ட அலுவலர்கள் பின்வரும் நிறுவன கட்டமைப்பினுள் உள்ளடக்கப்படுகின்றனர்.